Home
એન્ટરટેઇનમેન્ટ
પ વર્ષ બાદ સ્ટાર્સ કપલ દીપિકા અને રણવીર સિંહે લગ્નનો વીડિયો વાયરલ કર્યો, સાઉથ ઇન્ડિયન અને પંજાબી સ્ટાઇલની વેડિંગ જોવા મળી..!

પ વર્ષ બાદ સ્ટાર્સ કપલ દીપિકા અને રણવીર સિંહે લગ્નનો વીડિયો વાયરલ કર્યો, સાઉથ ઇન્ડિયન અને પંજાબી સ્ટાઇલની વેડિંગ જોવા મળી..!

10:58 PM October 26, 2023 admin

Deepika Padukon and Ranveer Sinh Wedding Video : દીપિકા પાદુકોણ અને રણવીર સિંહ ના લગ્ન ને પાંચ વર્ષ થવા આવ્યા છે અને પાંચ વર્ષ પછી પહેલી વખત તેમણે પોતાના લગ્નનો વીડિયો શેર કર્યો છે. રણવીર અને દીપિકાએ કરન જોહરના ચેટ શો કોફી વિથ કરનની આઠમી સિઝનમાં પોતાના લગ્નની ફૂટેજ દેખાડી છે. આ શોના પહેલા ગેસ્ટ તરીકે સેલિબ્રિટી કપલ પહોંચ્યું હતું જ્યાં તેમણે પોતાના લગ્નનો વિડીયો શેર કર્યો હતો.

વીડિયોમાં રણવીર સિંહ જણાવે છે કે તેણે 2015માં દીપિકાને માલદીવમાં પ્રપોઝ કરી હતી. ત્યાર પછી બંને દીપિકાના માતા પિતાને મળવા બેંગ્લોર ગયા હતા અને ત્યાં તેમણે સગાઈ કરી હતી. જોકે માલદીવમાં બંને પહેલાથી જ એન્ગેજમેન્ટ કરી ચૂક્યા હતા. વીડિયોમાં દીપિકાની માતા પણ જણાવે છે કે તે એ વાતથી ખુશ ન હતી કે તેની દીકરીએ રણવીર સિંહને પસંદ કર્યો પરંતુ ધીરે ધીરે રણવીર સિંહે તેના પરિવારના દિલમાં જગ્યા બનાવી લીધી.

વીડિયોમાં રણવીર સિંહ દીપિકાની સુંદરતા જોતો જ રહી જાય છે આ સમયે દીપિકાના પિતા પ્રકાશ પાદુકોણ ખુશી ખુશી કહે છે કે રણવીર તેના પરિવાર કરતાં ખૂબ જ અલગ છે, પરંતુ તેની એનર્જીએ ચાર લોકોની બોરિંગ ફેમિલીને ખુશીના રંગે રંગી દીધી. વીડિયોમાં રણવીર સિંહના પિતા પણ એવું કહે છે કે રણવીર જ્યારે ફિલ્મોમાં સફળ થયો ન હતો ત્યારે એક દિવસ તેણે એવું કહ્યું હતું કે તે દીપિકા પાદુકોણ સાથે લગ્ન કરશે અને તે વાત સાચી થઈ. વીડિયોમાં દીપિકા અને રણવીરની સાઉથ ઇન્ડિયન અને પંજાબી સ્ટાઇલની વેડિંગ ની એક ઝલક જોવા મળે છે. બંનેના લગ્ન ઈટલીમાં 2018માં થયા હતા. આ વીડિયો સોશિયલ મીડિયામાં વાયરલ થઈ રહ્યો છે.